Policia ka finalizuar me sukses Operacionin e koduar “Parandalimi”, duke sekuestruar armë dhe municione. Në pranga kanë rënë shtetasit Artan Dedja, 37 vjeç dhe Saimir Preça, 22 vjeç, banues në Elbasan, pasi gjatë një kontrolli të imtësishëm të ushtruar në automjetin tip “Benz”, me targë AA 575 JY, ku udhëtonin shtetasit e mësipërm.

Shërbimet e Policisë, kanë gjetur dhe sekuestruar një armë zjarri “automatik” model 56, bashkë me 1 krehër, 1 armë zjarri pistoletë të llojit “Ekol” bashkë me një krehër, me 15 fishekë të kalibrit 9 mm,1 granatë dore difensive, 1 ndezës granate, 4 aparate celularë.

Gjithashtu, është bllokuar edhe automjeti me të cilin lëviznindhe që ishte në pronësi të shtetasit Artan Dedja.

Policia po heton për të zbardhur qëllimin e lëvizjes së këtyre dy shtetasve nga Elbasani të armatosur në qytetin e Vlorës.

Materialet i kaluan Prokurorisë në ngarkim të këtyre shtetasve për veprën penale “Prodhimi dhe mbajtja pa leje e armëve luftarake dhe municioneve”.