Portieri i kombetares se Kosoves ne futboll, Aro Muriç jo rrallë ka qene pjese e debateve publike mes njohesve te futbolli, sidomos per jeten e tij jashte fushes se blerte, ku ka pas edhe raste ku rreth tij, sic duket edhe eshte shpifur. Nje shpifje e ngjashme duket te kete ndodhur pikerisht rrethe nje problemi te supozuar nga ana e puntorit te MKRS-se, z. Ramiz Shala i cili jave me pare, ne opinion ka leshuar nje deklarate kinse ka zbuluar nje “sekret”, se vetem ai e din nje konflikt te ndodhur mes portierit dardan dhe presidentit Afim Ademi, nje deklarate te tille, te z. Shala e keni ne linkun me poshte.
Duke i demantuar fuqishem pretendimet e Shales, por edhe artikuj tjere ne lidhje me portierin Muric, ky i fundit ka folur ne nje interviste per “futbolli.info”, ku nder te tjera ka thene se ne kombetare ndihen te privilegjuar dhe se jane shume te kenaqur me trajtimin, cka i ben te kenaqur qe jane pjese e skuadres.
Ai javën e kaluar me skuadrën e Burnleyt e ka siguruar promovimin në Ligën Premiere, teksa këtë sukses e ka festuar me shoqërinë e tij. E pikërisht kjo festë ka bërë që ai të rikthehet në protagonist të mediave, ku janë përmendur shpenzimet e mëdha dhe ‘bakshishe’ për kamarierët.
Lidhur me shkrimet e fundit “Futbolli.info” kontaktoi me portierin dardan. Ai e pranoi se festa që kaloi me shoqërinë e tij ka bërë bujë, por ka thënë se nuk ka pasur asgjë jashtë normales.
“Ditëve të fundit kam parë shumë shkrime në lidhje me një natë që unë kam pas pushim dhe kam dal me shoqërinë time. Një natë jashtë futbollit dhe me argëtim normal jashtë jetës profesionale dhe futbollit”, ka theksuar Aro Muric.
Ai ka thënë se vazhdimisht përkujdeset për jetën profesionale, por ka edhe momente kur si çdo njeri tjetër dëshiron që sukseset personale dhe të ekipit t’i festojë me shoqërinë, por vetëm atëherë kur nuk e dëmton anën profesionale.
“Për jetën profesionale normalisht që ne kemi trajner, menaxher dhe staf të gjerë që kujdesen për ne, qoftë në klube e qoftë në Kombëtare”, ka shtuar portieri i Burnleyt.
Ai ka thënë se me shkrime të tilla tendencioze është ballafaquar edhe kur ka qenë i grumbulluar me ekipin kombëtar, por ato vetëm sa e kanë bërë më të fortë dhe i kanë dhënë motiv për punë edhe më të madhe. “Kombëtaren e kemi si të shenjtë dhe ndjejmë shumë krenari e privilegj që e kemi mundësinë për ta përfaqësuar vendin tonë”, është shprehur tutje Muric.
Ai ka thënë se në ekipin kombëtar ekziston “një staf me njerëz tejet profesional, të udhëhequr nga presidenti Ademi”.
https://nacionale.com/sport/shala-aro-muric-u-perjashtua-nga-kombetarja-sepse-agim-ademi-i-tha-shko-flej-cka-po-ben-ketu
“Ata kujdesen jashtëzakonisht shumë për ne dhe me të cilët asnjëherë nuk kemi asnjë probleme, përkundrazi janë njerëz që na përkrahin dhe na i krijojnë të gjitha mundësite, e sidomos presidenti Ademi me të cilin asnjëherë nuk kam pas asnjë telashe ose mosmarrëveshje siç është shkruar e gënjyer në media”, ka thënë Aro Muric.
Ai tutje ka folur me optimizëm për ndeshje e ardhshme kualifikuese me Kosovën kundër Rumanisë dhe Bjellorusisë.
“Për mua, presidenti Ademi, mbetet person shumë i respektuar dhe bashkë me gjithë stafin jemi të bashkuar dhe synojmë të arrijmë ëndrrën e përbashkët që është kualifikimi. Në qershor na presin dy ndeshje tejet të rëndësishme, prandaj besoj se do të jemi në formë të mirë dhe do të shkojmë përpara me Kosovën në Evropian”, ka theksuar ai.
Aro në fund është shprehur tejet i lumtur edhe për promovimin në Ligën Premiere me skuadrën e Burnleyt, teksa ka thënë se rikthimi në këtë nivel do ta ndihmojë edhe atë të rritet edhe më shumë si portier.
