Real Madridi nuk është duke e konsideruar transferimin e Kylian Mbappes aq të rëndësishëm sa e kishte vlerësuar në vitin 2022.
Oferta që pritet ta vendosë klubi madrilen do të jetë më e ulët sesa ajo e para dy vjetësh, njofton Jorge Picon.
“Los Blancos” ia kanë dërguar kështu një mesazh të qartë kampit të Mbappes: nënshkrimi i kontratës nuk është urgjent dhe nëse lojtari dëshiron të përfundojë në Madrid, duhet ta vërtetojë atë.
Presidenti Florentino Perez nuk e sheh veten në atë pikë që të bëhet “i çmendur” pas një lojtari, kur në skuadër tashmë ka yje të mëdhenj si Vinicius, Bellingham e Rodrygo.
Gjithashtu, Reali është duke shikuar edhe lojtar të tjerë në treg që mund t’i përshtateshin ekipit mjaft mirë, duke filluar nga Erling Haaland.
Në çdo rast, madrilenët janë të sigurt për një gjë: ky do të jetë rasti i fundit për yllin francez të Paris Saint-Germain.
