Vetura e një polici hetues të Policisë së Kosovës, i nacionalitetit serb, është djegur në Mitrovicën e Veriut.
Zëvendësdrejtori i Policisë së Kosovës për rajonin e veriut, Veton Elshani i tha Gazetës Exress se ngjarja ka ndodhur sot rreth orës 05:00.
Nuk pati tjetër përveç dëmeve materiale të veturës “Dacia” me targa serbe, e cila u dogj tërësisht. Ajo ishte pronë e një polici hetues serb.
Njësitet e zjarrfikësve dolën menjëherë në vendin e ngjarjes.
Elshani thotë se Policia po punon për t’i zbuluar rrethanat e kësaj ngjarjeje.
