Kryetari i PDK-së, Memli Krasniqi, ka folur sot rreth koalicioneve të mundshme pas zgjedhjeve të 9 shkurtit, shkruan Gazeta Metro.

Duke folur për vijat e kuqe që kanë përdorur në të kaluarën partitë politike në Kosovë, Krasniqi tha se PDK-ja nuk ka vija të tilla për asnjë parti.

“Ne parimisht kurrë vija të kuqe nuk kemi pasur, nuk kemi dhe nuk do të kemi”, u shpreh i pari i PDK-së për Nacionale.

PDK-ja kurrë nuk ka qeverisur me Vetëvendosjen në nivelin qendror, e me deklaratën e Krasniqit duket se kjo nuk do të ndodhë as pas zgjedhjeve të ardhshme.Tutje, ai shtoi se, “Ne nuk kemi preferenca me pasë çfarëdo lloj bashkëpunimi me Lëvizjen Vetëvendosje, sepse hendeku mes nesh i të kaluarës dhe i të tashmes është shumë i madh.”
SHPËRNDAJE