Mbrëmë në Hajvali u zhvillua një takim elektoral i jashtëzakonshëm, ku kandidati për deputet, Naser Sherifi, bashkë me mbështetësit dhe qytetarët e pranishëm, diskutoi për të ardhmen dhe sfidat kryesore që e presin Kosovën. Energjia dhe përkushtimi i të pranishmëve dëshmuan mbështetjen e madhe për vizionin e tij dhe për rrugën që ai synon të ndjekë në Kuvendin e Kosovës.
Gjatë fjalës së tij, Sherifi u zotua se çdo premtim i dhënë do të realizohet me përkushtim dhe transparencë. Ai theksoi rëndësinë e bashkëpunimit të ngushtë mes qytetarëve dhe përfaqësuesve politikë, duke u angazhuar për politika që sjellin ndryshime të prekshme në jetën e përditshme të njerëzve. Platforma e tij përqendrohet në mbështetjen e familjeve, diasporës dhe zhvillimit ekonomik të vendit.
Me sloganin “Numri 58 – Me ju, Për ju!”, Sherifi ftoi qytetarët që të bashkohen në këtë rrugëtim për një Kosovë më të fortë dhe më të zhvilluar. Ai u shpreh i bindur se me bashkëpunim dhe angazhim të përbashkët, do të arrihen ndryshime të rëndësishme për të ardhmen e vendit. Koalicioni “Për Familjen” dhe Aleanca Kosova e Re po vazhdojnë të forcojnë mbështetjen e tyre, duke krijuar një vizion të qartë për zhvillimin dhe mirëqenien e të gjithë qytetarëve.
