Athine, 15 dhjetor (AIK Presheva Jone)
Në Greqi ka nisur një grevë e përgjithshme 24 orëshe. Si grupi i parë që nuk u paraqitën në punë ishin kontrollorët e trafikut ajror. Në mëngjes do të hyjnë në grevë edhe marinarët. Të mbyllura qëndrojnë edhe të gjitha institucionet administrative si: ministritë, muzetë, shkollat dhe universitetet. Mjekët në spitalet publike do të trajtojnë vetëm rastet urgjente. Autobusët, trenat dhe metrotë do të ndalojnë së punuari për disa orë. Sindikatat protestojnë kundër shkurtimeve në pagat dhe kundër reformave jopopullore në tregun e punës. Masat janë pjesë e marrëveshjes mes qeverisë socialiste me Bashkimin Evropian dhe Fondin Monetar Ndërkombëtar për reduktimin e deficitit mjaft të lartë shtetëror.
