Gjatë kontrolleve të bërë në hollin e Kuvendit të Kosovës deputeti i Lëvizjes Vetëvendosje Rexhep Selimi është përleshur me rojet e sigurimit.
Deputeti i Lëvizjes Vetëvendosje Rexhep Selimi, gjatë hyrjes në sallën e Kuvendit pati një fërkim me njërin prej pjesëtarëve të Policisë së Kosovës, gjatë kontrollit që i bënte ky i fundit.
Selimi ka kundërshtuar që të kontrollohet. Për të kjo kontroll është vetëm porosi prej dikujt dhe presion i pushtetit ndaj opozitës.
Selimi: Kontroll jo normale
“Më duket se pushteti i ka shtrënguar policët që të vazhdojnë presionin ndaj deputetëve të Opozitës. Nuk ishte përplasje por ishte një kundërshtim i një norme jo normale, ose një standardi jo normal të të kontrolluarit. Ne asnjëherë nuk e kemi refuzuar kontrollin por, ky është një provokim i pushtetit me anë të policisë”, tha Selimi.
Kjo përleshje ka ndodhur pasi që rojet e sigurimit të Kuvendit kanë dashur që ta kontrollojnë deputetin Selimi.
Këto kontrolla të rrepta të Kuvendit të Kosovës pasi që opozita po vazhdojnë që të hedh gazë lotsjellës në sallën ku mbahen seancat./A.M.
