24-vjeçarit i është implantuar një chip në tru, i cili nëpërmjet një bypass-i elektronik nervor, lejon atë që të lëvizë dorën.
Ian Burkhart ka arritur të hedhë ujë në një gotë dhe të luajë e kordat e një kitare. Një hap i jashtëzakonshëm për djalin e paralizuar i cili u bë pjesë e një eksperimenti, i pari në llojin e tij që aplikohet tek një njeri.
Burkhart, i cili pas një incidenti nënujor ka humbur kontrollin e këmbëve dhe duarve, stërvitet që prej vitit 2014 në lëvizjen e dorës dhe shkencëtaret kanë punuar për 10 vite për eksperimentin që më në fund ka bërë realitet ëndrrën e tij.
Megjithatë, studiuesit janë shprehur se kjo nuk është një kurë për paralizën pasi lëvizjet e 24-vjeçarit kontrollohen nga një kompjuter.
Sfida e tanishme është minimizimi i pajisjes dhe heqja e fijeve lidhëse, në mënyrë që në të ardhmen, pacientët të kenë mundësi ta përdorin atë kudo.
