Në Dubai sot janë dhënë çmimet e “Globe Soccer Awards”, për vitin 2024.
Është Real Madridi që ka dominuar në këtë ceremoni, duke fituar çmimet kryesore.
Po ky klub është shpallur klubi më i mirë për vitin 2024.
Ndërsa, futbollisti më i mirë i vitit 2024 është shpallur Vinicius Jr, i cili njëherësh është shpallur sulmuesi më i mirë i vitit.
Në anën tjetër, Jude Bellingham ka fituar dy çmime: mesfushori më i mirë dhe e ka fituar çmimin “Maradona”.
Carlo Ancelotti e ka fituar çmimin trajneri më i mirë i vitit 2024.
Presidenti më i mirë për vitin 2024 është shpallur Florentino Perez i Real Madridit.
Thibaut Courtois është shpallur fituesi i çmimit “Career Award”.
Cristiano Ronaldo në anën tjetër është shpallur lojtari më i mirë i Lindjes së Mesme për vitin 2024.
