Shkruan Gafurr ADILIShqiptarët, historikisht, që nga lashtësia e tyre iliro-pellazge e deri më sot, kanë zhvilluar dhe edhe sot vazhdojnë të zhvillojnë një politikë defansive, dhe rrjedhimisht edhe luftërat e tyre i kanë zhvilluar vetëm kur nuk kanë patur rrugëzgjidhje tjetër, kur kanë qenë të mbështetur me shpatulla pas murit, siç ishin edhe luftërat e fundit të Ushtrisë Clirimtare të Kosovës.
Sllavo-grekët, edhe sot e kësaj dite, karshi ne shqiptarëve dhe trojeve etnike, të 4 (katër) vilajeteve të Shqipërisë Historike, vazhdojnë ta zbatojnë këtë parim të tyre filozofiko-politik.
Kurse, ne shqiptarët, dhe sidomos politikanët e Tiranës dhe edhe të Prishtinës, dhe në vecanti edhe ata të Tetovës, të Preshevë-Bujanocit dhe të Ulqinit, edhe sot e kësaj dite vazhdojmë me politikën tonë defansive dhe servile ndaj tyre, ndaj armiqëve sllavo-grekë, dhe aleatëve të tyre historik.
Grekët, edhepse janë shumë të bindur se, teoria e tyre “famoze”, e të “famshmit” “Vorio Epir”, ka vdekur njëherë e përg
jithmonë, ata vazhdojnë me politikën e tyre diversioniste kundrejt Shqipërisë Londineze (Shqipërisë së Rrudhosur), siç e kam quajtur dhe edhe tani vazhdoj ta quajë unë Republikën e Shqipërisë.
Përse sllavo-grekët sillen kështu me ne shqiptarët?!
Që ne shqiptarët të tërhiqemi nga Camëria dhe të themi, siç kanë thenë dhe vazhdojnë të thonë politikanët e Tiranës zyrtare, se gjoja ne shqiptarët duhet të heqim dorë nga Camëria që të mos ta humbasim gjoja Jugun e Republikë së Shqipërisë, që greku e quan “Vorio-Epir”.
Dhe, këta mjeranë e matrapazë politikë, harrojnë apo edhe nuk guxojnë që grekun ta pyesin apo edhe t’i thonë, siç ne të Frontit Demokratik të Bashkimit Kombëtar (FDBK), i kemi thënë dhe i themi se, më mirë i bie Greqisë që të mos i hyjë fare asaj historisë së vjetër të Epirit, sepse atëherë ne shqiptarët do ta pyesim Greqinë se, a e dijnë ata (grekët) se ku realisht ndodhet Epiri i Epiriotit Gjergj Kastrioti-SKENDERBEU, dhe gjithashtu edhe Jugu i Epirit, si dhe a e dijnë grekët se sa milionë arvanitas jetojnë aktualisht në Epir( Greqi), dhe ne vecanti edhe në Athinë..?!
Gjithashtu, edhe serbët e kanë zbatuar dhe vazhdojnë ta zbatojnë të njëjtin parim: “Sulmin është mbrojtja më e mirë!”, karshi shqiptarëve dhe Shqipërisë Veri-Lindore (Republika e Kosovë dhe krahinat e saj: Kosova Lindore, Sanxhaku e Toplica), dhe gjithashtu edhe politikanët e Prishtinës, në vend që të ngrejnë zërin e tyre për shqiptarët e krahinave të Kosovës Historike: të Kosovës Lindore (Preshevës, Bujanocit dhe Medvegjes), të Sanxhakut dhe të “muhaxhirëve” të Krahinës së Toplicës, që prej shumë kohësh, që nga dëbimi i tyre nga Toplica, janë të vendosur në territorin e Republikës së Kosovës, ashtu si “camët” e Krahinës së Camërisë, si dhe edhe për mbi 100 mijë shqiptarët në Beograd, të cilët po asimilohen nga Serbia, ashtu si çamët dhe arvanitasit që po asimilohen nga Greqia, edhe politikanët e Prishtinës zyrtare po sillen e veprojnë siç sillen dhe veprojnë edhe politikanët e Tiranës zyrtare, të cilët harrojnë se Republika e Shqipërisë është shteti i vetëm që, nga të gjitha anët e saj, kufizohet me shqiptarët dhe edhe me trojet e saj etnike të Shqipërisë Historike?
TURP..!
Fronti Demokratik i Bashkimit Kombëtar (FDBK), një formacion ky politiko-demokratik dhe mbarëkombëtar, tani e në të ardhmen duhet të punojë në drejtim të ndryshimit të kursit dhe edhe të filozofisë politike kombëtare të shqiptarëve.
Propaganda dhe e gjithë veprimtaria e FDBK-së, tani e në të ardhmen, në bashkëpunim edhe me organizatat e tjera patriotike, si: Lëvizja Vetevendosje (LV), e kryesuar nga Zoti Albin KURTI, Lista “Shqipëri Natyrale” (LSHN), e kryesuar nga Zoti Koco DANAJ, Lëvizja për Bashkim (LB), e kryesuar nga Zoti Avni KLINAKU, Lëvizja Popullore e Kosovës (LPK), e kryesuar nga Zoti Hasan META, Partia për Drejtësi e Integrim (PDI), e kryesuar nga Zoti Tahir MUHEDINI dhe Partia për Drejtësi dhe Unitet (PDU), e kryesuar nga Zoti Shpetim IDRIZI, si dhe shumë shoqata patriotike në të gjitha trojet etnike të Shqipërisë Historike dhe edhe në diasporën shqiptare, duhet të përqëndrohet, të orientohet dhe edhe të udhëhiqet nga filozofia politike, se:
1. Jugu i Republikës së Shqiperise dhe as edhe Republika e Shqipërisë nuk duhet të mbrohet në Himarë, sic po bën e gjithë politika zyrtare dhe masmedia e shkruar dhe elektronike e Tiranës, por mbrohet në Camëri dhe me zgjidhjen përfundimtare dhe fatlume të shqiptarëve të Krahinës së Camërisë, si dhe duke kërkuar edhe të drejtat kombëtare të mbi 2 (dy) milionë arvanitasve që edhe tani jetojnë në rrethinat e Athinës.
2. Mitrovica dhe as Republika e Kosovës nuk mbrohen në Mitrovicë apo në Kosovën Lindore (Preshevë-Medvegjë dhe Bujanoc), sic bën e gjithë politika zyrtare dhe masmedia e shkruar dhe elektronike e Prishtinës, por Mitrovica dhe edhe Kosova Lindore (Presheva, Medvegja dhe Bujanoci) mbrohen duke kërkuar të drejtat e shqiptarëve të Krahinës së Sanxhakut, populli i të cilës krahine shqiptare, në vitin 1991 (përmes referendumit), Sanxhakun e ka shpallur Krahinë Autonome të Republikës së Kosovës dhe duke kërkuar edhe rikëthimin e shqiptarëve (“muhaxhirëve”) në trojet e tyre të Krahinë së Toplicës.
3.Shkupi, Kryeqendra e Vilajetit të Kosovës, nuk mbrohet në Tetovë, sic kanë bërë dhe po bëjnë partitë politike (iu thënshin) shqiptare, me selitë e tyre dhe dy gjysëm-universitetet (një gjysëm shtetëror dhe një gjysëm privat), por mrohet në Kumanovë, në Veles, në Përlepe dhe në Manastirin e Alfabetit.
4. Tivari nuk mbrohet në Ulqin dhe as në Tuz, Plavë dhe Guci, sic bëjnë partitë e shumta (7 sosh) të shqiptarëve të Shqipërisë Veriore nën Malin e Zi, por Tivari mbrohet në Pogdoricë, duke kërkuar të drejtat kombëtare të shqiptarëve në Podgoricë.
Shqiptarët dhe “Pakoja Ahtisaari” !
Nëse bashkësia ndërkombëtare (OKB, BE, SHBA dhe NATO), përmes “Pako Ahtisaari”, Republikën e Kosovës, me 5 % minoritete, e cilëson si shtet multietnik, atëherë përse kështu nuk duhet t’i konsiderojë e cilësojë edhe shtetet e tjera më multietnike dhe edhe me përqindje më të mëdha të kombësive dhe të pakicave të tjera kombë, se sa që realisht është Republika e Kosovës, sic janë: Serbia (me shqiptarë, me hungarezë, me rumunë, me malazezë, me boshnjakë, me bullgarë, romë dhe….), Mali i Zi (me shqiptarë, me serbë, me boshnajkë, me romë dhe….), “Maqedonia” (me shqiptarë, me bullgarë, me serbë, me maqedonas të Egjeut, me turqë, me romë dhe….) dhe Greqia (me shqiptarë të Camërisë, me aravanitas, me bullgarë, me turqë, me kuco-vllahë, me romë dhe….), të mos quhen shete multientike, sic quhet Republika e Kosovës?!
Nëse bashkësia ndërkombëtare (OKB, BE, SHBA dhe NATO), përmes “Pako Ahtisaari”, kërkron që, serbët e shpërngulur nga Republika e Kosovës, të rikëthehen në Republikën e Kosovës, gjë të cilën nuk e kundërshtojnë shqiptarët, dhe as edhe Fronti Demokratik i Bashkimit Kombëtar (FDBK), atëherë shtrohet pyetja së përse kjo e drejtë nuk iu njihet edhe “camëve” të Krahinës së Camërisë nën Greqi, si dhe edhe “muhaxhirrëve” të Krahinës së Toplicës nën Serbi?!
Bashkësia ndërkombëtare (OKB, BE, SHBA dhe NATO) përfundimisht duhet të zbatojë të njejtat standarde për të gjithë popujt dhe shtetet e Balkanit, si dhe për të gjitha pakicat kombëtare brenda shteteve të Ballkanit.
* Autori është Kryetar i Frontit Demokratik të Bashkimit Kombëtar (FDBK).
