Duket se Hashim Thaçi nuk është mësuar fort me të qenurit ministër i Punëve të Jashtme, apo zëvendëskryeministër. Ndodhi edhe sonte që ai, gjatë fjalimit të tij, të ngatërroj postin, duke e bërë veten kryeministër.
Sot, gjatë fjalimit që mbajti në konferencën “Gërmia Hill”, Thaçi tha se është ‘në ditët e fundit si kryeministër’, duke dashur të thotë ‘si zëvendëskryeministër’.
Thaçi: Ditët e fundit si kryeministër
“Do të përpiqem të jem i shkurtër, vetëm në aspektin diplomatik, edhe pse i kam ditët e fundit si kryeministër shpresoj, pastaj natyrisht që do të kemi të njëjtat agjenda”, tha ai.
Gjatë fjalimit të tij, Thaçi qe mjaftë i zëshëm në kërkesat e tij ndaj Brukselit zyrtar, ku tha se nuk duhet vonuar e ngecur në proceset e Kosovës, meqë kjo do të mund të sillte konflikte e krizë ndër-shtetërore e ndëretnike.
