Luizi e mbështeti kandidatin e PS-së, Benet Beci, pas daljes nga “Big Brother VIP Albania”.

Shkodra ishte befasia e këtyre zgjedhjeve, ku për herë të parë i besoi një kandidati socialist për të drejtuar bashkinë.

Benet Beci mori kështu një mandat 4-vjeçar, por pas rezultatit, diskutimi që lindi ishte se sa kishte ndikuar mbështetja e Luizit për këtë kandidat.

Lidhur me këtë ka folur Luizi së fundi në “Shqipëria Live”.

Ai sqaroi se në asnjë moment nuk ka thënë se Benet Beci e fitoi Shkodrën falë tij.

Ai deklaroi se e mbështeti pasi dikur Beci e kishte ndihmuar, ndërsa zbuloi dhe një bisedë me zv.ministrin Besart Kadia për këtë temë.

“Unë nuk i kam thënë gjë që Benet Beci e fitoi Shkodrën prej meje. Zv.minsitri Besart Kadia ishte me mua tek ashensori, këtu në Top, dhe ai më tha mua që Beneti e ka fituar. Më tha ‘ Urime, ta bëjmë një foto’. I thashë mos e posto, se po e postove bëhesh ministër. Unë po ta them që Beneti ka qenë ndikim i joti. Më tha diçka për PS, por unë vlerësoj njeriun. Ai burrë, është njeriu që më ka mbështetur”, tha Luizi.

SHPËRNDAJE