Deputetja e njohur, Xhevahire Izmaku, ka bërë thirrje për pjesëmarrje masive në Konventën Solemne të Nismës Socialdemokrate, e cila do të mbahet sot në ora 14:00 në Hotel Emerald.
Përmes një postimi në rrjetet sociale, znj. Izmaku ka shprehur emocionet dhe përkushtimin për këtë moment të rëndësishëm politik. Ajo e ka cilësuar Konventën si një hap të rëndësishëm drejt ndryshimeve dhe progresit, duke theksuar se fuqia politike dhe vizioni për të ardhmen do të jenë në qendër të kësaj ngjarjeje.
“Ky është një moment i veçantë për të gjithë ne, ku do të prezantojmë fuqinë tonë politike dhe vizionin tonë për të ardhmen. Me krenari dhe përkushtim, do të flasim për vlerat që na bashkojnë dhe për rrugën tonë drejt sukseseve të reja,” shkruan Izmaku.
Deputetja ka ftuar të gjithë qytetarët që të bashkohen në këtë ngjarje për të ndarë së bashku vizionin për një të ardhme më të mirë dhe për të forcuar rrugëtimin drejt ndryshimit dhe progresit.
🕒 Ora: 14:00
📍 Vendi: Hotel Emerald
“Së bashku, më të fortë!” është mesazhi që përcjell deputetja për këtë ngjarje domethënëse.
